跳樓男

跳樓男

去年失戀圖自盡　箍煲後又分手
情傷財困癡男跳樓亡

一名23歲青年戀愛大過天，去年為箍煲挽回女友芳心，
在屯門田景邨寓所企圖跳樓，獲救後又因失業無錢拍拖，
情海再起波瀾分手收場，至昨日凌晨他終在家中跳樓身亡。
可憐父親與他同樣倒楣，失婚失業喪子，
銀行積蓄所餘無幾，只有以淚洗面。

死者劉鴻新父母離異，他與父親同住田景邨田樂樓，
母親與妹妹住天水圍。阿新父親是廚房工人，
阿新中學畢業後曾任職倉務員，兩至三年前與姓梁女友拍拖。

兩人初時感情甜蜜有如糖黐豆，梁女常到阿新家中煮食過夜。
阿新對感情極投入，經常將女友情信放在錢包內，
又在facebook留言︰「愛只會得一個，能使你全心奉獻，任何人都不能取替！
他的喜怒哀樂，等於你的喜怒哀樂。失去會肝腸寸斷，
痛徹心脾，如果佢拒絕你，你可以Hurt好耐……」
阿新任職倉務員時，月薪近一萬元，收入全花在拍拖上，
失業後轉行當裝修散工，但每月實際開工只有一星期，收入銳減以致無錢拍拖消費。

錢包內撿獲情書
去年9月30日，阿新女友提出分手，阿新大受打擊攀爬寓所窗口企圖跳樓，
幸及時獲救，亦成功挽回女友芳心。可惜兩個多月前，二人感情又再觸礁分手，
阿新性情大變成為頹廢宅男，終日躲在家中，不出街不工作，
不洗衫不洗碗，沉迷抽煙及上網打機。

上月中，阿新問父親討錢，但50餘歲的劉父同樣運滯，剛遭解僱失業。
劉父無耐向兒子說︰「我得番500蚊，200蚊要交水電費，其餘是開飯錢……」阿新聞言後沉默不語。

昨日凌晨5時許，阿新趁家中無人，打開窗花跳樓直墮地上，送院不治。
劉父認屍後面對失業喪子打擊，掩面痛哭。警方事後在阿新錢包內，
撿獲梁女寫給阿新的情書，
內容包括︰「儍仔老公，同你一齊好開心。唔知點解愛上你，
將來我哋會點樣呢？雖然你有啲肥，都可以顯得我身形好……」