新巴撼九巴18人受傷

一輛新巴昨日由柴灣駛往馬鞍山途中，
在沙田一個交通燈位疑收掣不及撞向前面一輛九巴車尾，
兩車共18人受傷。

11女7男傷者（21至80歲），大都扭傷腰頸，手腳及頭撞傷，
其中兩人傷勢嚴重。肇事姓梁（35歲）新巴車長於08年入職。
出事為第二轉車，該車則本月24日通過檢驗。

昨日中午12時許，姓黃（45歲）九巴車長駕駛680路線巴士，
由金鐘往馬鞍山利安邨，九巴沿大老山公路慢線駛至近沙田小瀝源分區警署對開時，
因交通燈號轉紅而停車，突然砰一聲被尾隨682路線新巴猛撼車尾，
兩車乘客如滾地葫蘆東歪西倒，一仆一碌倒地，極度混亂。

大批消防員趕至將乘客帶離車廂，部份重傷者由擔架抬出，有乘客受驚大哭，
也有乘客頭破血流，事後被分送沙田威爾斯及九龍的伊利沙伯醫院。

新巴車頭嚴重損毀，上下層擋風玻璃爆裂甩脫，泵把飛脫，
由於有偈油流出，消防員須鋪設木槺防跣，
現場因沒明顯煞車痕，警方初步懷疑有人一時分神肇禍，
惟真正原因有待調查。

***撞向車尾